Թբիլիսիի Սբ Նշան եկեղեցու աղբահանության եւ մաքրման աշխատանքները կավարտվեն հունվարի 24-ին
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Թբիլիսիի Սուրբ Նշան եկեղեցու աղբահանության եւ մաքրման աշխատանքները կավարտվեն հունվարի 24-ին: «Արմենպրես»-ի հետ զրույցում այդ մասին նշեց Վիրահայոց թեմի առաջնորդ Վազգեն եպիսկոպոս Միրզախանյանը: Նրա խոսքով` այդ աշխատանքներն իրականացնում է Թբիլիսիի քաղաքապետարանը, իսկ ահա որոշ ժամանակ անց Վրաստանի մշակութային ժառանգության պահպանության վարչությունը կսկսի ծրագրված աշխատանքներ տանել` ամրակայելու եւ վերականգնելու եկեղեցու փլված սյունը: Հիշեցնենք, որ հունվարի 10-ին Սուրբ Նշան եկեղեցում հրդեհ էր բռնկվել:
Կարծիքներ
Հարցազրույցներ
Փաստ մեկնաբանությամբ