Շվեդիայի արտաքին գործերի նախարարն այցելում է Հայաստան
ԵՐԵՎԱՆ,13 ՀՈՒՆԻՍԻ, ԱՐՄԵՆՊՐԵՍ: Հայաստանի ԱԳ նախարար Էդվարդ Նալբանդյանի հրավերով' հունիսի 13-ին պաշտոնական այցով Հայաստան է ժամանում Շվեդիայի Թագավորության արտգործնախարար Կարլ Բիլդտը:
Ինչպես «Արմենպրես»-ին տեղեկացրին ՀՀ ԱԳՆ մամուլի, տեղեկատվության եւ հասարակայնության հետ կապերի վարչությունից, այցի ընթացքում նախատեսված են Կարլ Բիլդտի հանդիպումները Հայաստանի նախագահ Սերժ Սարգսյանի եւ արտգործնախարար Էդվարդ Նալբանդյանի հետ:
Այցի ընթացքում նախատեսվում է քննարկել հայ-շվեդական համագործակցության հետագա ընդլայնմանն առնչվող հարցեր, Հայաստան-ԵՄ հարաբերությունների վերջին զարգացումները եւ Ասոցացման համաձայնագրի բանակցությունների ներկայիս փուլը, ինչպես նաեւ տարածաշրջանային ու միջազգային խնդիրների լայն շրջանակ: