Լեռնադահուկորդ Աբրահամ Սարկախյանը նախապատրաստվում Է Թուրինի խաղերին
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ ( թղթ.Զավեն Վարդանյան): Հայաստանի լեռնադահուկորդ, 2006 թվականի Թուրինի օլիմպիական խաղերի մասնակից, ծաղկաձորցի Աբրահամ Սարկախյանը մասնակցեց ընթացիք մրցաշրջանի իր առաջին միջազգային մրցաշարին: Ռուսաստանի Չելյաբինսկ քաղաքում կայացած Ռուսաստանի, Հայաստանի եւ Ուզբեկիստանի մարզիկների մասնակցությամբ միջազգային մրցաշարում նա հանդես եկավ նախնական փուլի մրցումներին եւ այս անգամ, մարզումների պակասի պատճառով, չկարողացավ դուրս գալ եզրափակիչ փուլ: Այդուհանդերձ, Չելյաբինսկի մրցաշարից հետո հայ լեռնադահուկորդը որոշ չափով բարելավեց իր միջազգային գործակիցը: Հայաստանի լեռնադահուկորդների մարզիչ Լեւոն Հարությունյանն ԱՐՄԵՆՊՐԵՍԻ թղթակցին տեղեկացնելով այս մասին, նշեց, որ մինչ Թուրին մեկնելը, Ա.Սարկախյանը կմասնակցի եւս մի քանի միջազգային մրցումների, ինչպես նաեւ ՀՀ ազգային առաջնությանը: Հիշեցնենք, որ լեռնադահուկային սպորտում Ա.Սարկախյանը Հայաստանի միակ ներկայացուցիչն Է լինելու օլիմպիական խաղերում: Եւս երկու հայ մարզիկ՝ Էդմոն Խաչատրյանը եւ Հովհաննսես Սարգսյանը հանդես կգան դահուկային սպորտի օլիմպիական մրցումներում:
Կարծիքներ
Հարցազրույցներ
Փաստ մեկնաբանությամբ