ՔՊ-ի քաղաքական ժողովում քննարկվել են կոռուպցիայի դեմ պայքարի արդյունավետության բարձրացման և արտաքին քաղաքական տեսլականի հարցեր
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Գյումրիում դեկտեմբերի 16-ին տեղի է ունեցել «Քաղաքացիական պայմանագիր» կուսակցության 3-րդ քաղաքական ժողովը:
«Արմենպրես»-ի հաղորդմամբ՝ կուսակցության «Ֆեյսբուք»-ի էջը տեղեկացնում է, որ քննարկվել են Հայաստանում կոռուպցիայի դեմ պայքարի արդյունավետության բարձրացմանը և Հայաստանի Հանրապետության Կառավարության արտաքին քաղաքական տեսլականին առնչվող հարցեր։
Ըստ աղբյուրի՝ կուսակցության Վարչության նախագահի տեղակալ Վահագն Ալեքսանյանը և ՀՀ արտաքին գործերի նախարար Արարատ Միրզոյանը հանդես են եկել զեկույցներով և պատասխանել Քաղաքական ժողովի մասնակիցների հարցերին։
Նշվում է, որ կուսակցության Վարչության նախագահ, ՀՀ վարչապետ Նիկոլ Փաշինյանը հանդես է եկել ելույթով։