ՀՀ-ում Լիբանանի դեսպանությունը ցավակցություն է հայտնել Երևանում տեղի ունեցած ողբերգական դեպքի կապակցությամբ

Armenpress 18:40, 15 Օգոստոս, 2022

ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Հայաստանում Լիբանանի դեսպանությունն իր ցավակցությունն է հայտնել Երևանի «Սուրմալու» առևտրի կենտրոնում տեղի ունեցած ողբերգական դեպքի կապակցությամբ:

«Հայաստանում Լիբանանի դեսպանությունն իր խորին ցավակցությունն է հայտնում բոլոր նրանց, ովքեր օգոստոսի 14-ին «Սուրմալու» առևտրի կենտրոնում տեղի ունեցած ողբերգական պայթյունի հետևանքով կորցրել են իրենց հարազատներին։ Վիրավորներին մաղթում ենք շուտափույթ ապաքինում, իսկ մեր մտքերն ու աղոթքներն այս դժվարին պահին մնում են Հայաստանի բարեկամ ժողովրդի հետ »,- «Արմենպրես»-ի հաղորդմամբ՝ նշված է «Ֆեյսբուք» սոցիալական ցանցի դեսպանության էջում:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am