ԵՐԵՎԱՆ, 4 ՀՈՒԼԻՍԻ, ԵՐԵՎԱՆ: Երևանում հուլիսի 4-ի ցերեկը, հուլիսի 5-9-ը սպասվում է առանց տեղումների եղանակ: Երեկոյան ժամերին հնարավոր է նաև քամու ուժգնացում՝ 15-20մ/վ արագությամբ: Ջերմաստիճանը մայրաքաղաքում կլինի 29-31 աստիճան:

«Արմենպրես»-ի հաղորդմամբ՝ այս մասին տեղեկացնում է Հիդրոօդերևութաբանության և մոնիթորինգի կենտրոնը՝ նշելով, որ հունիսի 4-ին կեսօրից հետո Սյունիքում և Արցախում, հուլիսի 8-ին կեսօրից հետո առանձին շրջաններում կտեղա կարճատև անձրև և ամպրոպ: Առանձին հատվածներում հնարավոր է նաև կարկուտ:

Հուլիսի 5-7-ը, 9-ին կդիտվի առանց տեղումների եղանակ: Քամին՝ հարավարևելյան 2-5մ/վ, ամպրոպի ժամանակ սպասվում է քամու ուժգնացում՝ 17-22մ/վ արագությամբ: Արարատյան դաշտում երեկոյան ժամերին կլինի քամու ուժգնացում 15-20մ/վ։

Օդի ջերմաստիճանը հուլիսի 5-9-ն աստիճանաբար կբարձրանա 3-5 աստիճանով:

Արցախում հուլիսի 4-ին սպասվում է անձրև և ամպրոպ, հուլիսի 5-ին՝ առանց տեղումների եղանակ։