ՌԴ-ն գնահատում է ուկրաինական ճգնաժամի հարցով Հայաստանի հավասարակշռված դիրքորոշումը
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Ռուսաստանը գնահատում է ուկրաինական ճգնաժամի վերաբերյալ Հայաստանի հավասարակշռված դիրքորոշումը: Ինչպես տեղեկացնում է «Արմենպրես»-ը, «ՌԻԱ Նովոստի»-ին տված հարցազրույցում հայտարարել է Ռուսաստանի ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը:
«Մենք գնահատում ենք մեր հայ և ադրբեջանցի գործընկերների հավասարակշռված դիրքորոշումը Ուկրաինայի շուրջ ստեղծված իրավիճակի և, դրա հետ կապված, Արևմուտքի կողմից աննախադեպ հակառուսական արշավի վերաբերյալ: Մենք քաջ գիտակցում ենք արտաքին ուժերի ճնշումը, որին բախվում են և Հայաստանի, և Ադրբեջանի ղեկավարությունը, և մենք գնահատում են այն փաստը, որ և Երևանում, և Բաքվում, արտաքին քաղաքականություն կառուցելիս, առաջնորդվում են առաջին հերթին սեփական ազգային շահերով»,- ասել է Գոնչարը: