ՌԴ-ի եւ ԱՄՆ-ի երկխոսությունը դրականորեն Է ազդում միջազգային իրադրության վրա. ՉԺՀ
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: ՉԺՀ-ի կառավարությունը Ռուսաստանի եւ ԱՄՆ-ի ղեկավարների միջեւ բանակցությունները դիտում Է որպես դրական քայլ երկու երկրների միջեւ հարաբերությոնների բարելավման եւ աշխարհում իրադրության կայունացման ուղղությամբ: Դեկտեմբերի 8-ին կայացած կանոնավոր ճեպազրույցում այդ մասին հայտարարել Է Չինաստանի արտաքին գործերի նախարարության պաշտոնական ներկայացուցիչ Վան Վենբինը, տեղեկացնում Է «Արմենպրես»-ը:«Ռուսաստանը եւ ԱՄՆ-ը ՄԱԿ-ի Անվտանգության խորհրդի մշտական անդամներ են եւ աշխարհի ազդեցիկ տերություններ, որոնք ունեն գլոբալ խաղաղության եւ անվտանգության պահպանման կարեւոր պարտավորություններ: Չինական կողմը դրականորեն Է դիտում ռուս-ամերիկյան շփումները եւ երկխոսությունը, ինչպես նաեւ նրանց հարաբերությունների բարելավումը»,- նշել Է նա:«Դա դրական ազդեցություն Է գործում գլոբալ խաղաղության եւ զարգացման վրա, ինչպես նաեւ օգուտ Է բերում համընդհանուր մարտահրավերների նկատմամբ միջազգայն հանրակցության համատեղ գործողություններին»,- ընդգծել Է դիվանագետը, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ