ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Նավթ արտահանող երկրների կազմակերպությունը (ՕՊԷՔ) կանխատեսում Է, որ նավթի՝ ռազմավարական պահուստներից շուկա հանված բաժինը կարող Է հանգեցնել համաշխարհային շուկայի մատակարարումների զգալի ավելցուկների: Այդ մասին ասված Է նոյեմբերի 24-ին տարածված փաստաթղթում, որն ստացվել Է Bloomberg գործակալությունում, տեղեկացնում Է «Արմենպրես»-ը:

Գործակալության տվյալներով՝ առաջիկա երկու ամսվա ընթացքում պահուստներից շուրջ 66 միլիոն բարել հանվելու պայմանում նավթի ավելցուկը կարող Է աճել օրական 1,1 միլիոն բարելով:

ՕՊԷՔ-ի երկրների մի շարք պատվիրակներ նշել են, որ քննարկում են հունվարին արտադրության պլանավորված ավելացման չեղարկումը դուրս հանված պաշարներով շուկայի գերհագեցման դեպքում:

ԱՄՆ-ը նոյեմբերի 23-ին հայտարարել Է ռազմավարական պաշարներից 50 միլիոն բարել դուրս հանելու մասին: Սպիտակ տանն ընդգծել են, որ նավթի պաշարների մի մասը գործի դնելու են պատրաստ նաեւ մի շարք այլ պետություններ, ներառյալ Մեծ Բրիտանիան, Հնդկաստանը, Չինաստանը, Հարավային Կորեան եւ Ճապոնիան, հաղորդել Է ՏԱՍՍ-ը: