Ֆեդերերը չի մասնակցի Ավստրալիայի բաց առաջնությանը
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Շվեյցարացի թենիսիստ Ռոջեր Ֆեդերերը չի մասնակցի Ավստրալիայի բաց առաջնությանը, որը կկայանա հունվարի 17-30-ը:
«Արմենպրես»-ի հաղորդմամբ` այս մասին գրում են միջազգային ԶԼՄ-ները: Ֆեդերերը մտադիր է մեծ կորտ վերադառնալ հաջորդ տարի ամռանը: Վերջին մրցաշարը, որին Ֆեդերերը մասնակցել է «Մեծ սաղավարտի» մրցաշարերից Ուիմբլդոնն է: Դրանից հետո շվեյցարացին ծնկի վիրահատության է ենթարկվել:
«Ամբողջական մարզումները կսկսեմ հունվարին, իսկ մեծ մրցաշարերին կմասնակցեմ միայն ամռանից հետո»,- ասել է Ֆեդերերը:
Ֆեդերերը «Մեծ սաղավարտի» մրցաշարերի 20-ակի հաղթող է: 6 անգամ հաղթել է Ավստրալիայի բաց առաջնությունում, 8 անգամ` Ուիմբլդոնում, 5 անգամ` ԱՄՆ բաց առաջնությունում և մեկ անգամ էլ Ռոլան Գարոսում: