Ծաղկաշեն գյուղում այրվել է մոտ 500 հակ անասնակեր
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Արագածոտնի մարզային ճգնաժամային կառավարման կենտրոնը հուլիսի 30-ին, ժամը 13։32-ին ահազանգ է ստացել, որ Ծաղկաշեն գյուղում այրվում է խոտի դեզ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է 13-րդ փողոցում։
Հրդեհը մեկուսացվել է ժամը 14:15-ին, մարվել՝ 14:35-ին: Այրվել է մոտ 500 հակ կուտակած անասնակեր։
Կարծիքներ
Հարցազրույցներ
Փաստ մեկնաբանությամբ