«Գյուղատնտեսական ծառայությունների կենտրոն» ՊՈԱԿ-ը մարզերում բաշխել է ֆերոմոնային թակարդներ
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: ՀՀ էկոնոմիկայի նախարարության բուսաբուծության և բույսերի պաշպանության ծրագրի շրջանակում ձեռք են բերվել 500 հատ լոլիկի հարավամերիկյան ցեցի, 100 հատ խնձորենու պտղակերի և 100 հատ խաղողի ողկույզակերի ֆերոմոնային թակարդներ: «Արմենպրես»-ին այս մասին հայտնեցին «Գյուղատնտեսական ծառայությունների կենտրոն» ՊՈԱԿ-ից
Նախարարության «Գյուղատնտեսական ծառայությունների կենտրոն» ՊՈԱԿ-ի տնօրենի խորհրդական Զաքար Զաքարյանը և Անասնաբուժության և բուսասանիտարիայի բաժնի պետի տեղակալ Նորիկ Բարսեղյանն այցելել են Հայաստանի բոլոր մարզեր, ըստ անհրաժեշտության բաշխել թակարդները: Նրանք բացատրել են դրանց տեղադրման տեխնիկան, որոշներն արդեն իսկ տեղադրել են դաշտերում: Այս թակարդների տեղադրման արդյունքում գյուղացիների բերքն ավելի պաշտպանված կլինի:
Զաքարյանն ու Բարսեղյանը մարզեր այցերի ընթացքում հետևել են նաև ագրոնոմների կողմից իրականացվող մոնիթորինգի աշխատանքներին, ուսումնասիրել են մորեխների դեմ պայքարի նպատակով իրականացվող մոնիթորինգի աշխատանքները: