Ծանրորդները ուսումնամարզական հավաքի են Աբովյանում
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Հայաստանի ծանրամարտի տղամարդկանց հավաքականը սկսել է Օլիմպիական խաղերի վերջնական նախապատրաստական փուլը:
«Արմենպրես»-ի հետ զրույցում այս մասին հայտնեց Հայաստանի հավաքականի մարզիչ Վիգեն Խաչատրյանը: «Սկսել ենք ուսումնամարզական հավաքը Աբովյանի մարզաբազայում և մեր նպատակը Օլիմպիական խաղերին հնարավորինս լավ նախապատրաստվելն է»,-ասաց Խաչատրյանը: Նա փաստեց, որ Ծանրամարտի միջազգային ֆեդերացիա է ներկայացվել այն մարզիկներին անունները, որոնք կմասնակցեն Օլիմպիական խաղերին: Տոկիոյի 32-րդ ամառային Օլիմպիական խաղերի մասնակցելու հնարավորություն կստանան Սիմոն Մարտիրոսյնաը և Իզաբելլա Յայլյանը:
Ծանրամարտի ընտրանու ուսումնամարզական հավաքը նախատեսված է մինչև հուլիսի կեսեր: Հավաքին մասնակցում է 14 մարզիկ: