ԱՀԿ-ն Sputnik V- ի անվտանգության վերաբերյալ գնահատականը կտա ամռանը
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Առողջապահության համաշխարհային կազմակերպությունը նախատեսում է ռուսական Sputnik V պատվաստանյութի անվտանգության վերաբերյալ իր գնահատականը տալ հունիսի վերջին կամ հուլիսին: «Արմենպրես»-ի փոխանցմամբ՝ ինչպես տեղեկացնում է «ՌԻԱ Նովոստի»-ն, այս մասին ճեպազրույցում ասել է ԱՀԿ փորձագետ Մարիանգելա Սիմաոն:
«Մեր թիմը վերջին երկու շաբաթվա ընթացքում արդեն Ռուսաստանում է և գնահատում է կլինիկական փորձարկումները: Եվ մայիսի 10-ից մինչև հունիսի առաջին շաբաթը մենք կսկսենք ստուգել արտադրությունը », - ասել է նա:
Ակնկալվում է, որ փորձագիտական խումբը կկարողանա գնահատել պատվաստանյութը հունիսի վերջին, բայց առավել հավանական է՝ հուլիսին:
Կարծիքներ
Հարցազրույցներ
Փաստ մեկնաբանությամբ