Տնտեսությունը կտրուկ վերականգնվում է. Վահան Քերոբյանի հաշվարկներով՝ մարտին տնտեսական աճը կկազմի 7-7.5 տոկոս
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Էկոնոմիկայի նախարար Վահան Քերոբյանի համոզմամբ՝ Հայաստանում տնտեսությունը կտրուկ վերականգնվում է: Ինչպես փոխանցում է «Արմենպրես»-ը, կառավարության նիստից հետո լրագրողների հետ զրույցում Քերոբյանը վստահություն հայտնեց, որ մարտին լինելու է տնտեսական աճ, որն, ըստ իր հաշվարկների, կլինի 7-7.5 տոկոս:
«Ներդրողները շատ են ու տարբեր բիզնեսների ներկայացուցիչներ, այս պահին էլ, մի քանի հարյուր միլիոն դոլարանոց ծրագիր կա, որը Գյումրիի «Կումայրի» կենտրոնին է վերաբերում»,- ասաց նախարարը:
Լրագրողները նկատեցին, որ այդ ծրագիրը նախաձեռնել էր նախկին վարչապետ Կարեն Կարապետյանը, ինչի առնչությամբ Քերոբյանն ասաց. «Մեզ մոտ կան տարբեր տեսակի ծրագրեր, մենք չենք համարում, որ մենք ամենախելոքն ենք, և եթե կան խելամիտ ծրագրեր, մենք իրականացնում ենք»: