«Բավարիա»-ն Լևանդովսկու գոլի շնորհիվ պարտության մատնեց «Աուգսբուրգ»-ին
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Գերմանիայի ֆուտբոլի առաջնության` Բունդեսլիգայի 17-րդ տուրում «Բավարիա»-ն արտագնա խաղում ուժերը չափեց «Աուգսբուրգ»-ի հետ:
«Արմենպրես»-ի հաղորդմամբ` Գերմանիայի բազմակի չեմպիոնը միայն մեկ անգամ կարողացավ գրավել մրցակցի դարպասը, այն էլ հանդիպման 13-րդ րոպեին: Գոլն իր ակտիվում գրանցեց մյունխենցիների լեհ հարձակվող և 2020 տարվա լավագույն ֆուտբոլիստ Ռոբերտ Լևանդովսկին: «Աուգսբուրգ»-«Բավարիա»` 0:1:
Այս հաղթանակից հետո «Բավարիա»-ն շարունակում է գլխավորել մրցաշարային աղյուսակը: «Աուգսբուրգ»-ը միայն 12-րդն է:
Կարծիքներ
Հարցազրույցներ
Փաստ մեկնաբանությամբ