Դահուկավազքի առաջնության դասական ոճում լավագույնները Միքայելյանը և Գալստյանն են
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Մեկնարկեց Հայաստանի դահուկավազքի առաջնությունը, որն ընդգրկված է միջազգային ֆեդերացիայի վարկանիշային մրցաշարերի ցուցակում:
«Արմենպրես»-ի հաղորդմամբ` Աշոցքում ընթացող մրցաշարի կանանց 5 կմ դասական ոճում ոսկե մեդալակիրը Կատյա Գալստյանն է, նրան հաջորդում են Անգելինա Մուրադյանը և Նելլի Խաչատրյանը:
Տղամարդկանց 10 կմ դասական ոճում Հայաստանի առաջատար դահուկորդ Միքայել Միքայելյանը: Արծաթե մեդալակիր դարձավ Թադևոս Պողոսյանը և բրոնզե մեդալակիր` Սպարտակ Ոսկանյանը:
Հունվարի 18-ին կանայք կմրցեն 5 կմ ազատ ոճում և 10 կմ` տղամարդիկ: Հայաստանի առաջնության երկրորդ փուլը նախատեսված է փետրվարի 12-14-ը:
Կարծիքներ
Հարցազրույցներ
Փաստ մեկնաբանությամբ