Արարատ Միրզոյանն ու Լևոն Շիրինյանը քննարկել են Հայաստանում ծավալվող ներքաղաքական զարգացումները
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության Ազգային ժողովի նախագահ Արարատ Միրզոյանը հանդիպել է Հայաստանի Քրիստոնեա-Ժողովրդավարական կուսակցության նախագահ Լևոն Շիրինյանի հետ։ «Արմենպրես»-ի փոխանցմամբ՝ ԱԺ նախագահն այս մասին գրել է «Ֆեյսբուք»-ի իր էջում:
«Կարծիքներ ենք փոխանակել առկա իրավիճակի հաղթահարման ուղղությամբ իրականացվող և իրականացվելիք քայլերի վերաբերյալ։ Անդրադարձ է կատարվել գերիների վերադարձի, Արցախում վերջին օրերին տեղի ունեցող իրադարձություններին և Հայաստանում ծավալվող ներքաղաքական զարգացումներին։
Պարոն Շիրինյանը ուշադրություն է հրավիրել դատական համակարգում առկա խնդիրներին և դրանց վերացման ուղղությամբ բարեփոխումների անհրաժեշտությանը։ Խորհրդակցությունները տարբեր քաղաքական ուժերի ներկայացուցիչների հետ շարունակվելու են»,- գրել է Միրզոյանը։
Կարծիքներ
Հարցազրույցներ
Փաստ մեկնաբանությամբ