Արամ Խաչատրյանի տուն-թանգարանը կոմպոզիտորի զարմիկներին նվիրված համերգ- ցուցահանդես կանցկացնի
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Արամ Խաչատրյանի տուն-թանգարանը դեկտեմբերի 2-ին՝ 16:00-ին Արամ Խաչատրյանի զարմիկներ ճանաչված երաժիշտներ Կարեն Խաչատրյանի 100-ամյա և Էմին Խաչատրյանի 90-ամյա հոբելյաններին նվիրված համերգ-ցուցահանդես է կազմակերպելու:
«Արմենպրես»-ի հաղորդմամբ՝ միջոցառմանը ելույթ են ունենալու դաշնակահարներ Էլեն Սահակյանը, Սոնա Բարսեղյանը, ջութակահար Կարեն Շահգալդյանը, ալտահար Մաքսիմ Սահակյանը: Համերգը վարելու է Օլյա Նուրիջանյանը:
Հնչելու են Կարեն Խաչատրյանի ստեղծագործությունները։ Միջոցառումն իրականացվելու է հակահամաճարակային բոլոր կանոնների պահպանմամբ:
Կարծիքներ
Հարցազրույցներ
Փաստ մեկնաբանությամբ