«Նապոլին» խոշոր հաշվով հաղթեց «Ռոմային». Մխիթարյանը մասնակցեց խաղին
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Իտալիայի ֆուտբոլի առաջնության 9-րդ տուրում «Ռոման» արտագնա խաղում մրցեց «Նապոլիի» հետ:
«Արմենպրես»-ի հաղորդմամբ` «Նապոլիի» ֆուտբոլիստներն առանձնացան մտածված խաղով և հաղթեցին խոշոր հաշվով: Գատուզոյի գլխավորած թիմի կազմում գոլերը հեղինակեցին Ինսինյեն, Ռուիսը, Մերտենսը և Պալիտանոն: «Նապոլի»-«Ռոմա»` 4:0:
Հայաստանի ֆուտբոլի ազգային թիմի ավագ Հենրիխ Մխիթարյանը «Ռոմայի» մեկնարկային կազմում էր և մասնակցեց ամբողջ խաղին:
Այս տուրից հետո «Ռոման» Սերիա Ա-ի մրցաշարային աղյուսակում 6-րդն է, իսկ «Նապոլին» շրջանցեց «գայլերին» և այժմ 5-րդն է:
Կարծիքներ
Հարցազրույցներ
Փաստ մեկնաբանությամբ