Վարչապետ Փաշինյանը հանդիպել է ժամկետային զինծառայողների ընտանիքների անդամների հետ
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը ժամկետային զինծառայողների ընտանիքների անդամների հետ հանդիպմանը նշել է, որ նրանց կողմից հնչեցրած՝ զինծառայողների կեցության հետ կապված խնդիրների ուսումնասիրության արդյունքում առաջիկայում կտրվեն դրանց պատասխանները։ «Արմենպրես»-ի հաղորդմամբ՝ այս մասին «Ֆեյսբուք»ճի իր էջում գրել է ՀՀ վարչապետի մամուլի խոսնակ Մանե Գևորգյանը։
«Քիչ առաջ ավարտվեց վարչապետ Նիկոլ Փաշինյանի հանդիպումը ժամկետային զինծառայողների ընտանիքների անդամների հետ:
Ծնողներն իրենց մտահոգությունները ներկայացրեցին զինծառայողների կեցության հետ կապված:
Վարչապետը նշեց, որ մատնանշված խնդիրների ուսումնասիրության արդյունքում առաջիկայում կտրվեն հուզող հարցերի պատասխանները»,- նշել է Մանե Գևորգյանը։