Բրազիլիայում ավտոբուսի և բեռնատարի վթարի հետևանքով 41 մարդ է զոհվել
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Բրազիլիայի Սան-Պաուլու նահանգում մարդատար ավտոբուսի և բեռնատարի վթարի հետևանքով 41 մարդ է զոհվել: «Արմենպրես»-ի փոխանցմամբ, ինչպես հայտնում է ՏԱՍՍ-ը, այս մասին նշել է Globo հեռուստաընկերությունը:
Հեռուստաընկերության տվյալներով՝ ևս 11 ուղևոր տեղափոխվել է տեղի բժշկական հաստատություններ: Նրանց վիճակը գնահատվում է ծանր:
Վթարը տեղի է ունեցել տեղական ժամանակով 06:30-ին: Ավտոբուսում վթարի պահին եղել է 53 անձ: Ոստիկանությունը հետաքննություն է սկսել պատահարի առնչությամբ:
Կարծիքներ
Հարցազրույցներ
Փաստ մեկնաբանությամբ