«Բարսելոնան», «Յուվենտուսը», «Մանչեսթեր Յունայթեդը» և «Բորուսիան» հաղթել են. ՉԼ
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Չեմպիոնների լիգայում կայացան E, F, G, H խմբերի 4-րդ տուրի հանդիպումները:
«Արմենպրես»-ի հաղորդմամբ` E խմբում «Ռենը» 1:2 հաշվով զիջեց «Չելսիին», նույն հաշվով «Սևիլիան» առավելության հասավ «Կրասնոդարի» նկատմամբ:
F խմբում «Լացիոն» տանը 3:1 հաշվով առավելության հասավ «Զենիթի» նկատմամբ, իսկ Դորտմունդի «Բորուսիան» 3 անպատասխան գնդակ ուղարկեց «Բրյուգեի» դարպասը:
G խմբում կատալոնական «Բարսելոնան» խոշոր` 4:0 հաշվով պարտության մատնեց Կիևի «Դինամոյին», «Յուվենտուսը» 2:1 հաշվով գերազանցեց «Ֆերենցվարոշին»:
H խմբում ՊՍԺ-ն նվազագույն հաշվով հաղթեց «Լայպցիգին», իսկ «Մանչեսթեր Յունայթեդը» 4:1 հաշվով` «Ստամբուլ Բաշակշեհիրին»:
Չեմպիոնների լիգայի փլեյ-օֆֆի ուղեգիր են նվաճել «Բարսելոնան», «Յուվենտուսը», «Չելսին» և «Սևիլիան»: