Թշնամին շարունակել է հրետակոծել Արցախի խաղաղ բնակավայրերը. նախնական տվյալներով տուժածներ չկան
ՍՏԵՓԱՆԱԿԵՐՏ, 5 ՆՈՅԵՄԲԵՐԻ, ԱՐՄԵՆՊՐԵՍ: Օրվա ընթացքում թշնամական կողմը շարունակել է խաղաղ բնակավայրերի թիրախավորումը։
Ինչպես «Արմենպրես»-ին տեղեկացրին Արցախի Արտակարգ իրավիճակների պետական ծառայությունից, Մարտունիում կիրառվել է ծանր հրետանի։ Քաղաքում մեկ անգամ օդային տագնապ է հայտարարվել։
Շուշին պարբերաբար հրթիռակոծվել է գրադ կայանքից։ Ավերածություններն այստեղ շատ են։ Նշանակետում դարձյալ քաղաքացիական և հանրային նշանակության օբյեկտներն են եղել։
Օրվա ընթացքում երկու անգամ հրթիռակոծվել է Ստեփանակերտը։ Խոշոր ավերածություններ չեն գրանցվել։ Ընդհանուր առմամբ, տուժածներ` նախնական տվյալներով չկան։
Կարծիքներ
Հարցազրույցներ
Փաստ մեկնաբանությամբ