«Ուրարտու»-ն և «Լոռի»-ն հաղթեցին, «Շիրակ»-«Ալաշկերտ» հանդիպումն ավարտվեց ոչ-ոքի
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի առաջնության` Պրեմիեր Լիգայի 9-րդ տուրի շրջանակներում կայացան երեք հանդիպումներ:
«Արմենպրես»-ի հաղորդմամբ` «Գանձասար-Կապան»-ը սեփական հարկի տակ հյուրընկալեց «Ուրարտու»-ին և զիջեց 0:2 հաշվով: Երևանյան ակումբի կազմում աչքի ընկան Ուկոչուկվու Իվուն և Ջոնել Դեսիրեն:
Գյումրու քաղաքային մարզադաշտում «Շիրակ»-ն ուժերը չափեց «Ալաշկերտ»-ի հետ: Հանդիպումն ավարտվեց ոչ-ոքի` 1:1 հաշվով:
Վանաձորի «Լոռի»-ն էլ սեփական հարկի տակ նվազագույն հաշվով պարտության մատնեց «Արարատ»-ին:
Այս տուրից հետո մրցաշարային աղյուսակի առաջատարը «Ուրարտու»-ն է, որն ունի 13 միավոր: 9-ական միավոր ունեն «Ալաշկերտ»-ը, «Վան»-ը, «Լոռի»-ն և «Արարատ»-ը:
Կարծիքներ
Հարցազրույցներ
Փաստ մեկնաբանությամբ