ՌԴ Անվտանության Դաշնային ծառայությունը բացահայտել է խալիֆայության ստեղծման կոչ անող ահաբեկիչների
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի Անվտանգության դաշնային ծառայությունը հրապարակել է տեսանյութ՝ Դաղստանում և Կարաչաևո-Չերկեսիայում ահաբեկիչների կալանավորումից: «Արմենպրես»-ի հաղորդմամբ՝ այս մասին տեղեկացնում է «ՌԻԱ Նովոստի»-ն:
Ավելի վաղ անվտանգության դաշնային ծառայությունը հաղորդել էր, որ Կարաչաևո-Չերկեսիայում և Դաղստանում կանխվել է «Աթ-Թաքֆիր Վալ-Հիջրա»-ից միջազգային ահաբեկիչների երկու բջիջների գործունեությունը, որոնք կոչ են արել մերժել աշխարհիկ իշխանությունները և խալիֆայություն կառուցել: Իսլամիստներից առգրավվել են երեք նռնակ, երեք ատրճանակ, տարբեր տրամաչափի պարկուճներ, սառը զենքեր, ինչպես նաև ծայրահեղական գրականություն:
Անվտանգության աշխատակիցը շեշտել է, որ ծայրահեղական գաղափարախոսության տարածումը քաոսի կհանգեցնի: Դրան ի պատասխան կալանավորը պնդել է. «Ոչ, քաոս չի լինի, ընդհակառակը՝ կարգուկանոն կլինի»:
Օպերատիվ ծառայողները մտնում են մասնավոր տարածք, տներ, բերման ենթարկում արմատականներին: Դաղստանում ձերբակալություններից մեկի ժամանակ նրանք ստիպված են եղել կոտրել բազմաբնակարան շենքի բնակարանի դուռը: