Հրշեջ-փրկարարները Գյումրիում ավտոմեքենայի հրդեհ են մարել
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Շիրակի մարզային ճգնաժամային կառավարման կենտրոնը հոկտեմբերի 22-ին, ժամը 16:37-ին ահազանգ է ստացել, որ Գյումրի քաղաքի Կ. Դեմիրճյան փողոցի մոտակայքում այրվում է խոտածածկ տարածք:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Պարզվել է, որ հրդեհը բռնկվել է Կ. Դեմիրճյան փողոցի թիվ 1/3 հասցեում գտնվող «ԳԱԶ-2410» մակնիշի ավտոմեքենայում: Հրդեհը մեկուսացվել է ժամը 16:49-ին, մարվել՝ 17:02-ին: Այրվել է «ԳԱԶ-2410» մակնիշի ավտոմեքենայի սրահը:
Կարծիքներ
Հարցազրույցներ
Փաստ մեկնաբանությամբ