«Հայփոստ»-ը զինվորներին ծանրոցներն անվճար կուղարկի
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: «Հայփոստ»-ը զինված ուժերի զորքերին ծանրոցներն անվճար ուղարկելու հնարավորություն է ընձեռում: «Արմենպրես»-ի փոխանցմամբ՝ «Հայփոստ»-ն այս մասին հաղորդագրություն է տարածել:
«Ուշադրություն ԱՆՎՃԱՐ ուղարկեք ձեր ծանրոցը ՀՀ զինված ուժերի զորքերին: Սիրելի հայրենակիցներ, եթե ցանկանում եք իրային պարագաներով ծանրոցներ ուղարկել Զինված ուժերի զորքերին, կարող եք ձեր ծանրոցներով մոտենալ Հայփոստի ցանկացած բաժանմունք և նշելով ք. Երևան Արցախի 61 հասցեն ՝ անվճար ուղարկել ցանկացած քաշի և ծավալի ծանրոց: Ինչպես նաև՝ Հայփոստով Արցախ ուղարկվող ծանրոցների սակագինը սահմանվել է 0 դրամ: Ստորև ներկայացնում ենք անհրաժեշտ պարագաների ցանկը. Անձնական հիգիենայի պարագաներ Ատամի մածուկ, խոզանակ Օճառ, սափրվելու պարագաներ Զուգարանի թուղթ Ստերիլ բինտեր, քնապարկ Ինչպես նաև՝ գուլպաներ և անդրավարտիք»,- ասված է հաղորդագրության մեջ: