ՃՏՊ Իսակովի պողոտայում. տուժածներ չկան
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոն սեպտեմբերի 24-ին, ժամը 04:37-ին ահազանգ է ստացվել, որ Երևանի Իսակովի պողոտայում տեղի է ունեցել ՃՏՊ՝ ավտոմեքենան շրջվել է. տուժածներ չկան։ «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ:
Պարզվել է, որ «Toyota Camry» մակնիշի ավտոմեքենան (վարորդ՝ Տիգրան Ա․) բախվել է մայթեզրի արգելապատնեշին և շրջվել․ տուժածներ չկան:
Փրկարարները հոսանքազրկել և ուղղել են ավտոմեքենան:
Կարծիքներ
Հարցազրույցներ
Փաստ մեկնաբանությամբ