Ճամայկայում կառավարող կուսակցությունը հաղթել Է խորհրդարանական ընտրություններում
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Ճամայկայի կառավարող Լեյբորիստական կուսակցության ներկայացուցիչներն ընտրատարածքների մեծ մասում հաղթանակ են տարել երկրի խորհրդարանի Ներկայացուցիչների պալատի (ստորին պալատ) պատգամավորների ընտրություններում: Սեպտեմբերի 3-ին համապատասխան տվյալները հրապարակել Է կղզի պետության Կենտրոնական ընտրական հանձնաժողովը՝ քվեների 99 տոկոսի հաշվումից հետո, տեղեկացնում Է «Արմենպրես»-ը:
Նախնական տվյալներով՝ հիշյալ քաղաքական ուժը կստանա 63 աթոռներից 49-ը եւ խորհրդարանում իր ներկայացուցչությունը կավելացնի 17 պատգամավորով:
Ճամայկայի Լեյբորիստական կուսակցության ծրագիրն առաջարկում Է շուրջ 100 միլիոն դոլարի տրամադրում գյուղատնտեսության եւ փոքր գործարարության օժանդակման համար, ինչպես նաեւ գործազրկության նվազեցում եւ երկրի Կենտրոնական բանկի բարենորոգում: Ընդդիմադիր Ժողովրդական ազգային կուսակցությունը ձեռք Է բերել 14 տեղ Ներկայացուցիչների պալանտում: Ընտրողների ցուցակներում մտցվել Է շուրջ 1,9 միլիոն մարդ:
Կամարտահայտությունը տեղի Է ունեցել առողջապահության նախարարության անվտանգության միջոցների հանձնարարականների պահպանմամբ՝ կորոնավիրուսով վարակումը կանխելու հեամար, հաղորդել Է ՏԱՍՍ-ը: