Նավթատար լցանավում հրդեհ է բռնկել Շրի Լանկայի ափերի մոտ
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Բռնկում Է տեղի ունեցել պանամական դրոշի ներքո ընթացող New Diamond նավթատար լցանավում Շրի Լանկայի ափերի մոտ:
Ինչպես տեղեկացնում Է «Արմենպրես»-ը, այդ մասին սեպտեմբերի 3-ին հաղորդել Է Ada Derana պորտալը՝ վկայակոչելով կղզի պետության ռազմածովային ուժերը:
Նրանց տվյալներով հրդեհն առաջացել Է մեքենայական բաժանմունքում, սակայն կրակը չի հասել նավթով լի նավամբարներ:
Պորտալի տեղեկատվությամբ՝նավում կարող Է լինել 23 մարդ: Շրի Լանկայի ռազմածովային ուժերը մի քանի նավ են ուղարկել լցանավին օգնության:
Ինչպես իր հերթին նշել Է Reuters գործակալությունը, նավը վարձված Է Հնդկաստանի Indian Oil Corporation նավթընկերության կողմից եւ ընթանում Էր Հնդկաստանից Քուվեյթ, հաղորդել Է ՏԱՍՍ-ը: