ԱՄՆ-ի Դեմոկրատական կուսակցությունը հաստատել է փոխնախագահի թեկնածուին

Armenpress 13:43, 20 Օգոստոս, 2020

ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Կալիֆոռնիայի նահանգից սենատոր Քամալա Հարիսին պաշտոնապես հաստատել են որպես դեմոկրատներից ԱՄՆ-ի փոխնախագահի թեկնածու: Այդ մասին, ինչպես տեղեկացնում Է «Արմենպրես»-ը,հայտարարել են կուսակցության համագումարում, որը վիրկուալ ձեւաչափով անցկացվում Է Միլուոքիում (Վիսկոնսինի նահանգ):

Հարիսը դարձել Է առաջին աֆրոամերիկացին, որն առաջադրվել Է այդ պաշտոնի համար. նա ընտրվելու Է Ջո Բայդենի հետ միասին, որը Դեմոկրատական կուսակցությունից նախագահի պաշտոնի հավակնորդն Է:

Ելույթ ունենալով համագումարում՝ քաղաքական գործիչը հայտարարել Է երկրում կառուցվածքային ռասիզմի խնդրի մասին, որը հանգեցնում Է կորոնավիրուսից աֆրո- եւ լատինամերիկացիների, ինչպես նաեւ բնիկ ժողովուրդների ներկայացուցիչների մեծ թվով մահերի:

Նրա խոսքով՝ ռասիզմն անհավասարության ձեւով արտահայտվում Է կրթության, առողջապահության (ներառյալ վերարտադրողական եւ մայրական առողջությունը), բնակվայրի, զբաղվածության ապահովման եւ տրանսպորտի ոլորտում, ինչպես նաեւ «ոստիկանության կողմից ուժի չափազանց կիրառման մեջ եւ մեր քրեական արդարադատության ավելի լայն համակարգում»:

Ավելի վաղ Հարիսն իր թեկնածությունն առաջադրել Էր նախագահի պաշտոնի համար, բայց զգալի արդյունքներ չարձանագրեց փրայմերիզներում: 77-ամյա Բայդենի ընտրվելու դեպքում որպես փոխնախագահ 55-ամյա Հարիսը Բայդենի հեռանալուց հետո հավակնելու Է կուսակցական առաջնորդի դերին:

Նախագահի ընտրությունները Միացյալ Նահանգներում անցկացվելու են նոյեմբերի 3-ին: Հանրապետականներից դրանց մասնակցելու Է պետության գործող նախագահ Դոնալդ Թրամփը, հաղորդել Է ՌԻԱ Նովոստին:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am