«Ինտերը» և «Մանչեսթեր Յունայթեդը» Եվրոպայի լիգայի կիսաեզրափակիչում են
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Եվրոպայի լիգայում կայացան քառորդ եզրափակիչի մի քանի խաղեր:
«Արմենպրեսի» հաղորդմամբ` գերմանական Դյուսելդորֆ քաղաքում ընթացող մրցաշարում իտալական «Ինտերը» մրցեց Լևերկուզենի «Բայերի» հետ: Իտալական ակումբը հաղթեց 2:1 հաշվով և դուրս եկավ Եվրոպայի լիգայի կիսաեզրափակիչ:
Օրվա մյուս խաղում անգլիական «Մանչեսթեր Յունայթեդը» լրացուցիչ ժամանակում կարողացավ առավելության հասնել դանիական «Կոպենհագենի» նկատմամբ: Միակ և հաղթական գոլը խաղի 95-րդ րոպեին խփեց Ֆերնանդեշը՝ 11 մետրանոցի շնորհիվ: «Մանչեսթեր Յունայթեդը» Եվրոպայի լիգայի կիսաեզրափակիչում է:
Պատրաստեց Վարվառա Հայրապետյանը
Կարծիքներ
Հարցազրույցներ
Փաստ մեկնաբանությամբ