ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Ռուսաստանն ընդգրկվել Է այն երկրների ցուցակի մեջ, որոնց քաղաքացիները կկարողանան մուտք գործել Չեռնոգորիա՝ առանց որեւԷ լրացուցիչ պայմանների, որոնք կապված են COVID-19-ի համավարակի հետ: Այդ մասին, ինչպես տեղեկացնում Է «Արմենպրես»-ը, օգոստոսի 4-ին հաղորդել Է RTCG չեռնոգորիական հեռուստառադիոհաղորդումների կորպորացիան:

Չեռնոգորիայի Վարակիչ հիվանդությունների համակարգման ազգային վարչության նիստում նման առաջարկությամբ հանդես Է եկել Երկրի տուրիստական ինդուստրիայի օպերատիվ շտաբը, նշում Է RTCG-ն: Ռուսաստանի հետ հավասար վերանայված «կանաչ ցուցակում» ընդգրկվել Է Ադրբեջանը:

Այժմ Չեռնոգորիայում COVID-19-ի համավարակի կապակցությամբ օտարերկրացիների համար գործում են «կանաչ» եւ «դեղին» ցուցակներ: Առաջինի մեջ մտնում Է ԵՄ-ի 11 երկիր, Նորվեգիան եւ Շվեդիան, զբոսաշրջիկներն այնտեղից կարող են Չեռնոգորիա ժամանել անվճար:

Երկրորդ ցուցակի մեջ ընդգրկված են Չեռնոգորիայի բալկանյան հարեւանները՝ Բոսնիան եւ Հերցեգովինան, Ալբանիան, Կոսովոյի ինքնավար երկրամասը եւ Մետոքիան, ինչպես նաեւ Իսրայելը, Կանադան եւ Սինգապուրը: Այնտեղից զբոսաշրջիկներին անհրաժեշտ Է սահմանին ներկայացնել COVID-19-ի բացասական թեստ, որն արվել Է թռիչքից առավելագույնը 48 ժամ առաջ, հաղորդել Է «Ինտեֆաքս»-ը: