ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Առնվազն ինը մարդ Է զոհվել եւ 50-ը՝ վերքեր ստացել Աֆղանստանի Ղանդահարի նահանգում պակիստանցի զինվորականների կողմից բնակելի շրջանների հրետակոծումից հետո: Այդ մասին, ինչպես տեղեկացնում Է «Արմենպրես»-ը, հաղորդել Է Tolo News հեռուստաալիքը՝ վկայակոչելով Աֆղանստանի պաշտպանության նախարարությանը:

Գերատեսչության տվյալներով՝ պակիստանցի զինվորականները հրետանուց գնդակոծել են պակիստանա-աֆղանական սահմանին գտնվող Սփին-Բոլդաք գավառի բնակելի շրջանները:

Աֆղանական բանակի շտաբի պետ գեներալ Յասին Զիյան հրաման Է տվել պատրաստվել նմանօրինակ ակցիայի անցկացման Պակիստանի զինված ուժերի դեմ եւ համալրել զորքերը, որոնք տեղաբաշխված են Դյուրանդի գծի՝ երկու երկրների միջեւ չնշված պայմանական սահմանի, երկայնքով, որը հայտնվել Էր դեռ 1893 թվականին:

Հուլիսի կեսերին հաղորդվել Էր, որ Պակիստանի բանակն ականանետներից գնդակոծել Է Աֆղանստանի արեւելքի Կունարի նահանգի շրջանները: Այն ժամանակ ռմբակոծության զոհ Էր դարձել ութ մարդ:

Քաբուլում որպես միջադեպի պատճառ նշել են Աֆղանստանի տարածքում նոր հսկիչ-անցակետեր սահմանելու պակիստանյան զինվորականների փորձը, հաղորդել Է ՌԻԱ Նովոստին: