Նիկոլ Փաշինյանը կոչ է անում օգտագործել Հայաստանն ավելի լավ ճանաչելու հնարավորությունը
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ։ ՀՀ վարչապետը կոչ է անում քաղաքացիներին օգտագործել իրավիճակը որպես Հայաստանն ավելի լավ ճանաչելու հնարավորություն։ Ինչպես տեղեկացնում է «Արմենպրես»-ը, պարետատան նիստից հետո ճեպազրույցի ժամանակ անդրադառնալով օդային տրանսպորտի վերաբացման խնդրին՝ ՀՀ վարչապետը նշեց, որ այս ժամանակահատվածը լավ հնարավորություն է հանգիստը կազմակերպելու Հայաստանում։
«Սա շատ լավ առիթ է, որպեսզի մենք ներքին տուրիզմը զարգացնենք և համոզված եմ, որ մեր շատ հայրենակիցներ Հայաստանի Հանրապետության բազմաթիվ տեսարժան վայրերում չեն եղել»,- ասաց Փաշինյանը։
Վարչապետի խոսքով՝ բոլոր հյուրանոցների և սննդի օբյեկտների նկատմամբ տեսչական շատ խիստ հսկողություն է սահմանվելու, որպեսզի գործունեությունը կազմակերպեն ըստ ընթացիկ իրավիճակի և ըստ պարետատան սահմանած հակահամաճարակային կանոնների։