«Հայաստանի Հանրապետություն» օրաթերթ.- Վերականգնվում են սահմանը պահող զինծառայողների իրավունքները
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: «Օրենքների կիրարկման ժամանակ պարբերաբար ի հայտ են գալիս բացեր, որոնց շտկումն անխուսափելի անհրաժեշտություն է: Երբ նման կարգավորումներն առնչվում են Հայաստանի Հանրապետության սահմանը պահող զինծառայողի իրավունքներին, այն առանձնակի կարևորություն է ստանում: Իրավական կարգավորմամբ ցածր պաշտոններ զբաղեցնող ավագ ենթասպայական կազմի ներկայացուցիչները նույնպես կօգտվեն այդ արտոնությունից, որը հնարավորություն կտա վերջիններիս անհրաժեշտության դեպքում օգտվել նաև սոցիալական աջակցության այդ ծրագրից: Փաստորեն, գործող իրավական կարգավորումը խոչընդոտում է սահմանին կանգնած զինծառայողների այս խմբին՝ լիարժեք իրականացնելու այդ իրավունքը: Պետական սահմանը պաշտպանելու համար տրվող գումարը հաշվառվում էր նրանց ընտանեկան ամբողջական եկամտի մեջ՝ բարձրացնելով եկամտի չափը և զրկելով ընտանիքին սոցիալական աջակցության ծրագրից օգտվելուց, այն դեպքում, երբ նույն կարգավիճակում գտնվող մյուս զինծառայողներն օգտվում են այդ արտոնությունից»:
Նյութն ամբողջությամբ կարդացեք թերթի վաղվա համարում