Աճանան գյուղի մոտակայքում այրվել է 10 հա բուսածածկ տարածք
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը հուլիսի 7-ին, ժամը 16։37-ին ահազանգ է ստացել, որ Աճանան գյուղի մոտակայքում այրվում է խոտածածկ տարածք։
Դեպքի վայր են մեկնել ԱԻՆ ՓԾ Սյունիքի մարզային փրկարարական վարչության օպերատիվ խումբը և հրշեջ-փրկարարական ջոկատների չորս մարտական հաշվարկ։
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 18։13-ին, մարվել՝ 19։22-ին։ Այրվել է մոտ 10 հա բուսածածկ տարածք։
Կարծիքներ
Հարցազրույցներ
Փաստ մեկնաբանությամբ