Բաստիան Շվայնշտայգերը կարող է անցնել մարզչական աշխատանքի
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Գերմանիայի ֆուտբոլի ազգային թիմի անդամ աշխարհի չեմպիոն Բաստիան Շվայնշտայգերը կարող է անցնել մարզչական աշխատանքի:
«Արմենպրես»-ի հաղորդմամբ` այս մասին գրում է Frankfurter Allgemeine Sonntagszeitung-ը: Շվայնշտայգերը հայտարարել է, որ ինքը պատրաստ է անցնել մարզչական աշխատանքի, եթե հետաքրքիր առաջարկ ստանա և հնարավորություն ունենա լուրջ արդյունքներ գրանցել:
Շվայնշտայգերը ֆուտբոլիստի կարիերան սկսել է 1998 թվականից: Հասցրել է խաղալ Գերմանիայի գրեթե բոլոր տարիքային հավաքականներում, ինչպես նաև «Բավարիա»-ում, «Մանչեսթեր Յունայթեդ»-ում և«Չիկագո Ֆայր»-ում: Գերմանիայի ազգային թիմի կազմում դարձել է աշխարհի չեմպիոն և երկու անգամ էլ նվաճել է Մունդիալի բրոնզե մեդալները: Պրոֆեսիոնալ կարիերան ավարտել է 2019 թվականին:
Պատրաստեց Վարվառա Հայրապետյանը