Իբրահիմովիչը վերադարձել է Շվեդիա
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Իտալական «Միլան»-ի շվեդ հարձակվող Զլատան Իբրահիմովիչը վերադարձել է հայրենիք:
«Արմենպրես»-ի հաղորդմամբ` այս մասին գրում է Sky Sport Italia-ն: Իբրահիմովիչը Շվեդիա է վերադարձել վնասվածքից վերականգնվելու համար: «Միլան»-ը թույլատրել է հարձակվողին հեռանալ մարզաբազայից:
Ավելի վաղ հայտնի էր դարձել, որ Իբրահիմովիչը վնասվածք էր ստացել «Միլան»-ի մարզման ժամանակ և բուժզննումից հետո պարզ է դարձել, որ շվեդ ֆուտբոլիստը կկարողանա նորից մասնակցել հանդիպումներին մեկ ամսից:
Իբրահիմովիչը «Միլան»-ի հետ պայմանագիրը կնքել է մինչև ընթացիկ մրցաշրջանի ավարտը: Զլատան Իբրահիմովիչը իր կարիերայի ընթացքում հաղթել է Նիդեռլանդների, Իտալիայի, Իսպանիայի, Ֆրանսիայի առաջնություններում, «Մանչեսթեր Յունայթեդ»-ի կազմում դարձել է Եվրոպայի լիգայի հաղթող: Շվեդիայի հավաքականի կազմում անցկացրել է 116 հանդիպում` դառնալով 62 գոլի հեղինակ:
Պատրաստեց Վարվառա Հայրապետյանը