Ալեգրին պատրաստ է վերադառնալ մարզչական աշխատանքի
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Իտալացի ֆուտբոլային մասնագետ Մասիմիլիանո Ալեգրին պատրաստեց է նորից անցնել մարզչական աշխատանքի:
«Արմենպրես»-ի հաղորդմամբ` այս մասին գրում է La Gazzette dello Sport-ը: 52-ամյա մասնագետի ծառայություններով հետաքրքրված են երկու ակումբներ` ֆրանսիական ՊՍԺ-ն և անգլիական «Մանչեսթեր Յունայթեդ»-ը: Ըստ պարբերականի, Ալեգրին ցանկություն ունի մարզչական աշխատանքի անցնել Իտալիայում, սակայն այս պահին չունի ոչ մի առաջարկ Սերիա Ա-ի թիմերից:
Ավելի վաղ տեղեկություններ կային, որ գերմանական «Բավարիա»-ն մերժել է իտալացի ֆուտբոլային մասնագետի հետ աշխատեlու հնարավորությունը: Ալեգրին ցանկություն է հայտնել գլխավորել Գերմանիայի բազմակի չեմպիոն թիմը, սակայն ակումբի ղեկավարությունը չի համաձայնել: Այս մերժումից հետո իտալացի մասնագետի հետ բանակցություններ է սկսել ֆրանսիական ՊՍԺ-ն:
Պատրաստեց Վարվառա Հայրապետյանը