Կարլսենն իր կազմակերպած մրցաշարի միանձնյա առաջատարն է
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Շախմատի աշխարհի չեմպիոն Մագնուս Կարլսենի կազմակերպած առցանց մրցաշարում կայացան հերթական տուրի պարտիաները:
«Արմենպրես»-ի հաղորդմամբ` աշխարհի չեպիոնը նախորդ տուրի անհաջող խաղից հետո այս անգամ հաղթանակ է տոնել` առավելության հասնելով Յան Նեպոմնյաշչիի նկտամամբ: Մյուս պարտիայում Ալիռեզա Ֆիրուջան էլ պարտության է մատնել Անիշ Գիրիին: Այժմ Կարլսենը կրկին միանձնյա առաջատարն է:
Շրջանաձև մրցակարգով անցկացվող մրցաշարի ընդհանուր մրցանակային ֆոնդը կազմում է250 հազար դոլար: Հաղթողը կստանա 70 հազար դոլար: Առցանց մրցաշարին, Կարլսենի հետ, մասնակցում են նաև Ալիռեզա Ֆիրուջան, Ֆաբիանու Կարուանան, Դին Լիժենը, Յան Նեպոմնյաշչին, Մաքսիմ Վաշիե-Լագրավը, Անիշ Գիրին, Հիկարու Նակամուրան:
Պատրաստեց Վարվառա Հայրապետյանը