Երևանում շախմատի մարզադպրոցներին տրամադրվող ֆինանսավորումն ավելացել է
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Երևանի շախմատի մարզադպրոցներին 2020 թվականին տրամադրվող ֆինանսավորումն ավելացել է: «Արմենպրես»-ի հաղորդմամբ «Ֆեյսբուք» սոցիալական ցանցի իր էջում գրառում է կատարել Երևանի շախմատի ֆեդերացիայի նախագահ Մխիթար Հայրապետյանը:
2020 թվականին Երևան քաղաքում շուրջ 60 տոկոսով բարձրացել են շախմատի մարզադպրոցների մարզիչների աշխատավարձերը, շուրջ 25 տոկոսով բարձրացել են շախմատի մարզադպրոցների վարչական աշխատողների աշխատավարձները: Արդյունքում՝ Երևան քաղաքի կողմից շախմատի մարզադպրոցներին տրամադրվող գումարը ավելացել է շուրջ 37 տոկոսով՝ կազմելով շուրջ 285 մլն դրամ։
Կարծիքներ
Հարցազրույցներ
Փաստ մեկնաբանությամբ