Ախուրյան գյուղում հրդեհ է բռնկվել. տուժածներ չկան
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: ՀՀ ԱԻՆ 911 ահազանգման կենտրոնում հունվարի 28-ին՝ ժամը 20:26-ին, տեղեկություն է հաղորդվել այն մասին, որ Շիրակի մարզի Ախուրյան գյուղի Ախուրյանի խճուղու 1-ին նրբանցքի տներից մեկի բակում այրվում է անասնագոմի տանիք: «Արմենպրես»-ի հաղորդմամբ, ԱԻՆ-ը տեղեկացնում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 21:00-ին, մարվել՝ 22:15-ին:
Այրվել են անասնագոմի տանիքը (մոտ 60 քմ), հացատան տանիքը (մոտ 2 քմ) և մոտ 200 հակ անասնակեր:
Կարծիքներ
Հարցազրույցներ
Փաստ մեկնաբանությամբ