ԵՐԵՎԱՆ, 17 ՀՈւՆՎԱՐԻ, ԱՐՄԵՆՊՐԵՍ: Ֆիլիպինների Բատանգասի նահանգի այն քաղաքների թիվը, որոնց մուտքը տեղի բնակիչների համար փակվել Է Թաալ հրաբխի ժայթքման պատճառով, հասել Է 14-ի: Այդ մասին, ինչպես տեղեկացնում Է «Արմենպրես»-ը, հայտնել Է ABS-CBN հեռուստաալիքը: Ավելի վաղ հաղորդվել Էր Ֆիլիպիններում չորս քաղաքի փակման մասին:

Ինչպես հայտարարել Է տարերային աղետների կառավարման ու դրանց հետեւանքների նվազեցման տեղական կառույցի ղեկավար Լիտո Կաստրոն, հունվարի 17-ին տեղի բոլոր բնակիչներին, որոնք ապրում են 14 կիլոմետր շառավղով վտանգի գոտում, արգելվել Է վերադառնալ իրենց տներ: Կաստրոն հունվարի 17-ին ներկայացրել Է տվյալներ, որոնց համաձայն ավելի քան 66 հազար մարդ տեղավորվել Է 283 տարհանման կենտրոնում: Հունվարի 12-ին Թաալ հրաբուխն արտանետել Է մոխրասյուն, որի բարձրությունը հասել Է մեկ կիլոմետրի: Ֆիլիպինների հրաբխագիտության եւ սեյսմոլոգիայի ինստիտուտը (Phivolcs) այդ կապակցությամբ վտանգի մակարդակը մինչեւ չորրորդ Է բարձրացրել հինգբալանի սանդղակում եւ հանձնարարել Է ամբողջական տարհանում իրականացնել հրաբխի հարակից տարածքներից, հաղորդել Է ՌԻԱ Նովոստին: