Ես պատրաստ եմ մարզել «Բարսելոնա»-ն. Չավի
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: «Բարսելոնա»-ի նախկին կիսապաշտպան Չավին հաստատել է, որ պատրաստ է մարզելու կատալոնական ակումբը:
«Արմենպրես»-ի հաղորդմամբ՝ այս մասին գրում է El Mundo Deportivo-ն: Կատալոնական ակումբի նախկին ֆուտբոլիստը շեշտել է, որ իր համար միշտ էլ երազանք է եղել մարզել «Բարսելոնա»-ն: «Ես պատրաստ եմ մարզել «Բարսելոնա»-ն, սակայն ունեմ գործող պայամանգիր «Ալ-Սադ»-ի հետ և չգիտեմ ինչ կլինի ապագայում»,-ասել է նա:
Չավին իր գրեթե ամբողջ կարիերայում խաղացել է «Բարսելոնա» ֆուտբոլային ակումբում: Մարզչական աշխատանքի անցել է 2019 թվականից և աշխատում է Դոհան ներկայացնող «Ալ-Սադ» ակումբում:
Կարծիքներ
Հարցազրույցներ
Փաստ մեկնաբանությամբ