ერევანი, 22 აპრილი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა მიიღო კავკასიასა და საქართველოში კრიზისის საკითხებში ევროკავშირის სპეციალური წარმომადგენელი, ტოივო კლაარი.

„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატი ავრცელებს. შეხვედრას ასევე ესწრებოდა ევროკავშირის წარმომადგენლობის ხელმძღვანელი სომხეთში, ელჩი ვასილის მარაგოსი. 

საუბარი შეეხო რეგიონულ ვითარებას, სომხეთსა და აზერბაიჯანს შორის სამშვიდობო ხელშეკრულების მოლაპარაკებებს და საზღვრის დელიმიტაციის პროცესს. განიხილეს სომხეთსა და ევროკავშირს შორის თანამშრომლობისა და მისი შემდგომი განვითარების საკითხები.

ტოივო კლაარმა კიდევ ერთხელ აღნიშნა, რომ ევროკავშირი სრულად უჭერს მხარს სომხურ-აზერბაიჯანულ მოლაპარაკებების პროცესს ყოვლისმომცველი და გრძელვადიანი მოგვარების მიზნით, ასევე შეთანხმებას საზღვრის დელიმიტაციის პროცესის დაწყების შესახებ 1991 წლის ალმა-ათას დეკლარაციის საფუძველზე.