Բարսեղյանը բաց կթողնի Ջիբրալթարի հետ հանդիպումը
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի հարձակվողներից Տիգրան Բարսեղյանը բաց կթողնի Ջիբրալթարի հետ հանդիպումը:
«Արմենպրես»-ի հաղորդմամբ` Ջիբրալթարի հետ խաղին նա չի մասնակցի որակազրկման պատճառով, բայց կազմ ու պատրաստ կլինի Լիխտենշտեյնի հետ հանդիպմանը:
Հայաստանի ֆուտբոլի ազգային թիմը Ազգերի լիգայի D դիվիզիոնի 4-րդ ենթախմբում 3-րդ տեղում է: Ենթախմբի առաջատարը Մակեդոնիայի ընտրանին է 9 միավորով: 6-ական միավոր ունեն Ջիբրալթարի և Հայաստանի ընտրանիները: 3 միավորվ մրցաշարային աղյուսակը եզրափակում է Լիխտենշտեյնը:
Ֆուտբոլի Ազգերի լիգայի 4-րդ տուրի շրջանակում Հայաստանի ազգային թիմն այսօր հյուրընկալվում է Ջիբրալթարին: Հանդիպումը կկայանա նոյեմբերի 16-ին և կմեկնարկի Երևանի ժամանակով 23:45-ին: