Թուրքիայում զինվորական ավտոշարասյուն է պայթեցվել
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի Բաթմանի նահանգում զինվորական ավտոշարասյուն է պայթեցվել, ինչի արդյունքում կան զոհեր և վիրավորներ:
Այս մասին, ինչպես հաղորդում է «Արմենպրես»-ը, հայտնում է թուրքական CNN հեռուստաալիքը:
Տեղեկության համաձայն՝ պայթյունն իրականացվել է «Քուրդիստանի աշխատավորական կուսակցության» (PKK) զինյալների կողմից:
Զոհերի և վիրավորների թվի վերաբերյալ ստույգ տեղեկություն դեռևս չի հաղորդվում:
1980-ականներից սկսված թուրք-քրդական բախումները 2015թ. ամռանից նոր թափ են ստացել: Թուրքիայի տարբեր շրջաններում Թուրքական ԶՈՒ-ի եւ Քրդստանի աշխատավորական կուսակցության (PKK) մարտիկների միջեւ ռազմական գործողություններ են ընթանում:
Կարծիքներ
Հարցազրույցներ
Փաստ մեկնաբանությամբ