Չորս մարդ Է զոհվել Ավստրալիայի Dream World ատրակցիոնում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Չորս մարդ Է զոհվել Ավստրալիայի Dream World զվարճալիքների թեմատիկ զբոսայգում տեղի ունեցած դժբախտ պատահարի հետեւանքով: Այդ մասին, ինչպես տեղեկացնում Է «Արմենպրես»-ը, գրում Է The Mirror հրատարակությունը:
Միջադեպը տեղի Է ունեցել Dream World («Անուրջների աշխարհ») ատրակցիոնների պարկում, որը գտնվում Է Քվինսլենդի նահանգի հարավարեւելյան մասի Գոլդ-Կոստ քաղաքում (Ոսկե ափ):
Ջրի մակերեւույթի վրա լողացող ռետինե բարձիկով կլոր սայլակի շրջվելու հետեւանքով զոհվել Է չորս մարդ, նրանց թվում երեխաներ չկան: Զոհվածները 32-40 տարեկան են: The Associated Press գործակալությունը ճշտում Է, որ նրանցից երկուսը տղամարդ են եւ երկուսը՝ կին:
«Dreamworld-ն օպերատիվորեն աշխատում Է, որպեսզի պարզի պատահածի հանգամանքները»,-ասված Է զբոսայգու ղեկավարության պաշտոնական հայտարարության մեջ, հաղորդել Է «Ինտերֆաքս»-ը: